Aspronaga participa no "Proxecto Traballando polo Bo Trato"
12.07.2021 Este proxecto, froito do convenio de colaboración de Plena Inclusión e Protedis, iníciase no ano 2019, xunto con outras 33 entidades a nivel nacional, co obxectivo de “sensibilizar e loitar contra os prexuízos e discriminación das persoas con discapacidade intelectual ou do desenvolvemento” no terreo da prevención dos malos tratos e o fomento do bo trato.
Tras a finalización do proxecto, preséntase o informe sobre o impacto que tivo en Aspronaga, concretamente no Centro Ricardo Baró, fogar de 71 persoas con discapacidade intelectual con grandes necesidades de apoio.
